Zer da Gestalt Terapia?

Gestalt Terapia teknika multzo bat baino gehiago da, bizitzeko jarrera bat. Terapia humanisten baitan egonik, guztiok garatzeko dugun gaitasunean oinarritzen da; beraz, dugun potentzialari bide ematea da duen helburuetariko bat.

Nortzuk gara?

Nagore Aranburu Gallastegi eta Maite Blanco Gómez gara, lagunak eta lankideak. 2007an ezagutu genuen elkar, Izkali Gestalt Eskolan, Terapia Gestalt formakuntza egiten ari ginela. Elkarrekin prestatu dugu geure burua, eta terapia ordu asko partekatu ditugu.

Gestalt Terapiari esker, geure burua hobeto ezagutu dugu; beharrezkoak ez diren zamak askatu ditugu; pertsona osoagoak bihurtu gara; geure jokabide-ereduak aztertu ditugu; emozioei soltura eman diegu; gorputzean gehiago bizi gara, eta abar. Azken finean, munduan modu maitakor eta osasuntsuago batean egoteko aukera eman digu Gestalt Terapiak.